මීට මාස හතරකට පෙර කැලිෆෝනියාවේ දී දරුණු රිය අනතුරකට මුහුණ දුන් සුපිරි ගෝල්ෆ් ක්‍රීඩක ටයිගර් වුඩ්ස් එම අනතුරෙන් පසු පළමුවරට පළමුවරට පැපරාසින්ගේ කැමරාවන්ට හසු වී ඇතැයි විදෙස් මාධ්‍ය වාර්තා කර තිබේ.
ඒ ලොස් ඇන්ජලීස් ජ්‍යාත්‍යන්තර ගුවන්තොටුපළේ කිහිලිකරු ආධාරක ඔස්සේ ගමන් කරමින් සිටිය දීය.
45 හැවිරිදි ටයිගර් වුඩ්ස් ඔහුගේ පෙම්වතිය සමඟ පෞද්ගලික ජෙට් යානයකින් එහි පැමිණ තිබුණි.
හදිසි අනතුරෙන් පසු ඔහුගේ ඉන්ස්ටග්‍රෑමයේ ඡායාරූප කිහිපයක් පළ කර තිබුණද මෙය පැපරාසීන් විසින් ඔහු දුටු පළමු අවස්ථාවයි.
ටයිගර් වුඩ්ස් හට සිදුවූ අනතුරෙන් ඔහුගේ දකුණු කකුල දැඩි හානියට පත් විය.
