එක්සත් ජනපද වාර්තාකරුවන් දෙදෙනෙකු ඇතුළු එක්සත් ජනපද ටික්ටොක් පරිශීලකයින්ගේ දත්ත එහි සේවකයන් විසින් නුසුදුසු ලෙස ලබාගෙන ඇති බව අභ්‍යන්තර පරීක්ෂණයකින් හෙළිවී තිබේ.
ටික්ටොක් (TikTok) හි චීන මව් සමාගම වන බයිට්ඩාන්ස් (ByteDance) පසුගියදා මෙම කරුණු අනාවරණය කර තිබිණ.
මෙයට සම්බන්ධ සේවකයන් හතර දෙනාම සේවයෙන් පහ කළ බව සමාගම ප්‍රකාශ කළේ, එම සිවුදෙනාගෙන් එක් අයකු ඉල්ලා අස් වූ බවට කලින් කළ ප්‍රකාශය නිවැරදි කරමිනි.
ඔවුන්ගෙන් දෙදෙනෙක් චීනයේ සේවය කරන අතර දෙදෙනෙක් එක්සත් ජනපදයේ සේවය කළ බව නිව්යෝර්ක් ටයිම්ස් වාර්තා කර තිබිණ.
ByteDance පැවසුවේ එහි අභ්‍යන්තර විගණන සහ අවදානම් කණ්ඩායම ප්‍රතිව්‍යුහගත කර ඇති අතර එක්සත් ජනපද දත්ත වෙත ප්‍රවේශය ඉවත් කර ඇති බවයි.
සේවකයින් වාර්තාකරුවන් දෙදෙනෙකුගේ IP ලිපින සහ අනෙකුත් දත්ත වෙත ප්‍රවේශ වී ඔවුන්ගේ TikTok ගිණුම් හරහා වාර්තාකරුවන්ට සම්බන්ධ වූ කුඩා පිරිසකගේ දත්ත වෙත ප්‍රවේශය ලබාගෙන ඇති බව සදහන් වේ.
මීට පෙර එක්සත් ජනපදයේ ප්‍රාන්ත කිහිපයක රජය විසින් නිකුත් කරන ලද උපාංගවලින් TikTok වෙත ප්‍රවේශ වීම තහනම් කර ඇති අතර, ByteDance සහ චීන රජය විසින් එක්සත් ජනපද පරිශීලක දත්ත වෙත පිවිසීම අවහිර කරන ආරක්ෂක සහ රහස්‍යතා පියවර පිළිබඳව සාකච්ඡා පවත්වමින් සිටින බව මාධ්‍ය වාර්තා කරයි.
