ලංකා සමසමාජ පක්ෂයේ ප්‍රධාන ලේකම් ධුරයෙන් පාර්ලිමේන්තු මන්ත්‍රී, මහාචාර්ය තිස්ස විතාරණ මහතාව ඉවත් කර ඇති බවට වාර්තා වෙනවා.
සමාජවාදී ජනතා පෙරමුණ වශයෙන් වාර්ෂිකව සංවිධානය කරන මැයි දින රැලියෙන් තම පක්ෂය ඉවත් කරගෙන වෙනම මැයි රැලියක් පවත්වා ආණ්ඩුවට එකතු වීමට තිස්ස විතාරණ මහතා උත්සාහයක කිරීම නිසා ඒ මහතාව මෙසේ ඉවත් කිරීමට කටයුතු කළ බව එම පක්ෂයේ මධ්‍යම කාරක සභිකයකු සඳහන් කළා.
ඒ අනුව පසුගිය අප්‍රේල් 22 වනදා පක්ෂයේ මධ්‍යම කාරක සභාව රැස්වී තිස්ස විතාරණ මහතාව ප්‍රධාන ලේකම් ධුරයෙන් ඉවත් ක නව ප්‍රධාන ලේකම්ව ලෙස වේලප්පුලිගේ අබේසේන මහතා පත්කර තිබෙන බවට වාර්තා වෙනවා.
කෙසේවෙතත් මහාචාර්ය තිස්ස විතාරණ මහතා පවසන්නේ තමන්ට නොදන්වා 22 වනදා පැවති මධ්‍යම කාරක සභා රැස්වීම නීත්‍යානුකූල එකක් නොවන බවත් තවදුරටත් පක්ෂයේ නීත්‍යානුකූල ප්‍රධාන ලේකම්වරයා තමන් බවත් මේ සම්බන්ධයෙන් නීතිමය ක්‍රියාමාර්ග ගැනීමට කටයුතු කරන බවත් සඳහන් කළා.
