මේ වනවිට ඇමරිකාව තුළ තාවකාලිකව රැදී සිටින හොංකොං වැසියන්ට විශේෂ වරප්‍රසාද රැසක් ලබාදීමට ඇමරිකානු ජනාධිපති ජෝ බයිඩන් නියෝග කොට තිබේ.
ඒ අනුව ඔවුන්ට නියමිත වීසා කාලය ඉක්මවා තවත් මාස 18ක කාලයක් ඇමරිකාව තුළ රැදී සිටීමටත්, රැකියා කිරීමටත් අවසර හිමිවේ.
මීට අමතරව ශිෂ්‍ය වීසා මත ඇමරිකාවේ රැදී සිටින හොංකොංවැසියන්ටද වීසා කොන්දේසි ලිහිල් කර ඇති අතර එහිදී ඔවුන්ට රැකියා කිරීම සදහා අවස්ථාව ලබාදීමට තීරණය කර තිබේ.
මේ වනවිට චීනයට හිතවාදී පාලනය විසින් හොංකොංහි ජාතික ආරක්ෂක නීතිය යටතේ දැඩි මර්දනකාරී පාලනයක් ගෙන යන බවට චෝදනා පවතී.
මෙම තත්වය තුළ හොංකොංහි ප්‍රජාතන්ත්‍රවාදී ක්‍රියාකරුවන් ලක්ෂ ගණනින් රට හැර යාමට සූදානම් වන අතර රටින් පිටව ජීවත්වන විශාල පිරිසක් යළි එරටට පැමිණීමට බියෙන් පසුවෙති.
මේ හේතුවෙන් ඇමරිකානු ජනාධිපති ජෝ බයිඩන් මෙම තීරණය ගෙන ඇති බව විදෙස් මාධ්‍ය වැඩිදුරටත් වාර්තා කරයි.
