ඉරානය සමග වෙළෙඳ ගනුදෙනු සිදුකරන රටවල්වලට එරෙහිව සම්බාධක පැනවීමේ අවදානමක් ඇතැයි අමෙරිකාව අද (24) අනතුරු අඟවා තිබෙනවා.
ඉරාන ජනාධිපති ඊබ්රහිම් රයිසි පාකිස්තානයේ දින 3ක සංචාරය අද (24) නිමකර ශ්රී ලංකාව බලා පිටත් වීමෙන් පසුව අමෙරිකාව මෙම අනතුරු ඇඟවීම නිකුත් කර තිබුණා
මීට සතියකට පෙර ඉරානය ඊශ්රායලයට ගුවන් ප්රහාර දියත් කිරීමෙන් අනතුරුව සහ සිකුරාදා ඊශ්රායලය විසින් ඉරානයට යළිත් ප්රහාර එල්ල කිරීමෙන් පසුව හටගත් මැද පෙරදිග ගැටුම්කාරී තත්වය එලෙසින්ම පවතින පසුබිමක ඇමෙරිකාවෙන් මෙම අනතුරු ඇඟවීම නිකුත් කර තිබීම විශේෂත්වයක්.
ඉරාන ජනාධිපතිවරයාගේ සංචාරය අතරතුරදී පාකිස්තානය සහ ඉරානය අතර අවබෝධතා ගිවිසුම් 8ක් අත්සන් කෙරුණු අතර දෙරට අතර වෙළෙඳාම ඩොලර් බිලියන 10ක් දක්වා වැඩිකිරීමට ද ඉන් යෝජනා කර තිබුණා.
ඉරාන ජනපතිවරයා සඳුදා (22) පාකිස්තානයට පැමිණි අතර දෙරට අතර පැවති ගැටලු නිරාකරණය කර ගැනීම ඔහුගේ සංචාරයේ එක් ප්රධාන අරමුණක් බව සඳහන්.
මෙම වසර මුලදී ඉරානය සහ පාකිස්තානය එකිනෙකාට ප්රහාර එල්ලකර ගනු ලැබුවා.