කොළඹ මහ නගර සභා බල ප්රදේශයේ වයස අවුරුදු 20 ත් 29 ත් ට වැඩි පුද්ගලයින් සඳහා කොවිඩ් මර්ධන එන්නත ලබාදීම හෙට (06) දිනයේ සිට ආරම්භ කරන බව කොළඹ නගර සභාව නිවේදනය කරනවා.
කොළඹ මහ නගර සභාවේ වසංගත රෝග වෛද්යවේදිනී දිනූකා ගුරුගේ මහත්මිය සදහන් කරන්නේ මෙම වැඩසටහන කොළඹ සුගතදාස ක්රීඩාංගණය, ජින්තුපිටිය සෞඛ්ය වෛද්ය නිලධාරී කාර්යාලය, බොරැල්ල කැම්බල් පිටිය, නාරාහේන්පිට ශාලිකා ශාලාව, රොක්සි උද්යානය ඇතුළු ස්ථාන 06 කදී ක්රියාත්මක වන බවයි.
වයස අවුරුදු 20 ට වැඩි පුද්ගලයින් එන්නත්කරණය කිරීමේ වැඩසටහන ක්රීඩා අමාත්ය නාමල් රාජපක්ෂ මහතාගේ උපදෙස් පරිදි හම්බන්තොට දිස්ත්රික්කයෙහි මීට පෙර ආරම්භ කිරීමට කටයුතු කර තිබුණා.
එම වැඩසටහන ශ්රී ලංකා යුද හමුදාව විසින් අද දිනයේත් වලස්මුල්ල ප්රාදේශීය ලේකම් කොට්ඨාශයේ ක්රියාත්මක වනවා.