මහාවිහාරවංශික ස්යාමොපාලි මහා නිකායේ මල්වතු මහා විහාර පාර්ශ්වයේ කොළඹ හලාවත දෙදිසාවේ ප්රධාන සංඝනායක, පෑලියගොඩ විද්යාලංකාර මහ පරිවේනාධිපති සහ අධ්යක්ෂක, කැලණිය විශ්වවිද්යාලයේ කුලපති, ත්රිපිටකය වාගීශ්වරාචාර්ය, සාහිත්ය විශාරද , දර්ශන විශාරද, ආචාර්ය, අග්ගමහා සද්ධම්මජෝතිකධජ, මහෝපාධ්යාය අතිගෞරව වැලමිටියාවේ කුසලධම්ම නායක මාහිමිපාණන් වහන්සේ අපවත්වී තිබෙනවා.
ඊයේ (27) රාත්රියේ කොළඹ පෞද්ගලික රෝහලක ප්රතිකාර ලබමින් සිටිය දී අපවත්වූ උන්වහන්සේ මෙරට ශාසනය වෙනුවෙන් අපමණ මෙහෙයක් ඉටුකළා.
අපවත් වන විට අවුරුදු 85ක් ආයු වළදා තිබූ උන්වහන්සේගේ දේහය පිළිබඳ අවසන් කටයුතු සිදුකරන ආකාරය සම්බන්ධයෙන් අද (28) දිනයේ තීරණය කිරීමට නියමිතයි.