ලෝක කුසලාන තරඟාවලියේ ශ්‍රී ලංකාව සහ ඇෆ්ගේනිස්ථාන අතර අද (01) පැවැති තරඟයෙන් ශ්‍රී ලංකාව කඩුලු 6ක තියුණු ජයක් ලබා ගැනීමට සමත් වුණා.
තරඟයේ කාසියේ වාසිය දිනාගත් ඇෆ්ගේනිස්ථාන කණ්ඩායමේ නායක මොහොමඩ් නබී තීරණය කළේ පළමුව පන්දුවට පහර දීමටයි.
ඒ අනුව පිටියට පිවිසි ඇෆ්ගේනිස්ථාන කණ්ඩායම නියමිත පන්දුවාර 20 අවසානයේ කඩුලු 8කට ලකුණු 144ක් ලබා ගැනීමට සමත් වුණා.
ඇෆ්ගේනිස්ථාන කණ්ඩායම වෙනුවෙන් Rahmanullah Gurbaz ලකුණු 28ක් සහ Usman Ghani ලබාගත්තා.
පන්දු යැවීමේදී ශ්‍රී ලංකාව වෙනුවෙන් වනිදු හසරංග ලකුණු 13කට කඩුලු 3ක් දවා ගත් අතර ලහිරු කුමාර ලකුණු 30කට කඩුලු දෙකක් දවා ගත්තා.
ලකුණු 145ක ජයග්‍රාහී ඉලක්කයක් හඹා ගිය ශ්‍රී ලංකා කණ්ඩායම පන්දුවාර 18යි පන්දු 3කදී ලකුණු 148ක් ලබා ගැනීමට සමත් වුණා.
ශ්‍රී ලංකාව වෙනුවෙන් ධනංජය ද සිල්වා පන්දු 46කදී ලකුණු 66ක් ලබා ගත් අතර ඊට හයේ පහර 2ක් සහ හතරේ පහර 6ක් ඇතුළත් වුණා.
තරඟයේ වීරයා සම්මානය දිනාගත්තේ කඩුලු 3ක් බිඳ හෙලු වනිදු හසරංගයි.
මේ අනුව ශ්‍රී ලංකා කණ්ඩායම ලෝක කුසලාන විස්සයි විස්ස තරඟාවලියේ අවසන් පුර්ව වටයට සුදුසුකම් ලබා ගැනීමේ බලාපොරොත්තු සහිතව ලබන සෙනසුරාදා සිඩ්නි හිදී එංගලන්තයට එරෙහිව තරඟ වැදීමට නියමිතයි.
කෙසේ වෙතත් අද (01) ලැබූ පරාජය සමඟ ඇෆ්ගේනිස්ථාන කණ්ඩායම තරඟාවලියෙන් ඉවත් වීමට සිදුවනවා.
