ආබාධයකට ලක්ව සිටින ක්‍රිකට් ක්‍රීඩක වනිඳු හසරංගගේ ශල්‍ය කර්මය සාර්ථකව සිදු කර ඇති බව වාර්තා වෙනවා.
ෆේස් බුක් සටහනක් තබමින් තමාගේ මාංශපේශී ආබාධය පිළිසකර කිරීමේ ශල්‍යකර්මය සාර්ථකව නිම කර ඇති බව ඔහු ප්‍රකාශ කර තිබෙනවා.
මෙම සටහනෙන් ඔහුගේ ශල්‍ය කර්මය සිදු කළ වෛද්‍ය කාර්යය මණ්ඩලයට මෙන්ම දුෂ්කර කාල වකවානුවක් තුළ ඔහු සමඟ රැඳී සිටි සැමට ස්තූතිය පළ කිරීමටද ඔහු අමතක කර නැහැ.
මම ටික කලකට ක්‍රීඩාවෙන් ඉවත් වුණත් නැවතත් ශක්තිමත්ව රට වෙනුවෙන් ක්‍රීඩා කිරීමට බලාපොරොත්තුවෙන් සිටිනවා, යනුවෙන් ඔහු පවසනවා.
LPL තරඟාවලිය අතරතුරදී පාදයේ ආබාධයකට ලක්වූ වනිඳු හසරංගට ආසියානු කුසලාන තරඟාවලියටද එක්වීමට අවස්ථාව හිමි වූයේ නැහැ.
මේ දිනවල පැවැත්වෙන එක් දින ලෝක කුසලාන ක්‍රිකට් තරඟාවලියට ඔහුගේ සහභාගීත්වය අවිනිශ්චිතව පැවතුණත් පසුව වෛද්‍ය වාර්තා අනුව ඔහුට ඒ සඳහා ක්‍රීඩා කළ නොහැකි බව තීරණය කර තිබුණා.
