දේශගුණික විපර්යාසයන් හමුවේ ඇන්ටාක්ටිකාවෙන් දරුණු සුනාමියක් ඇතිවිය හැකි බවට නවතම වාර්තාවකින් අනතුරු ඇඟවීම් සිදුකර තිබෙනවා.
විදෙස් මාධ්ය වාර්තා කරන්නේ ඇන්ටාක්ටිකාවේ දිය යට සිදුවන නායයාම් හේතුවෙන් පෘථිවියේ දකුණු පසින් වූ සාගරයේ යෝධ සුනාමියක් ඇතිවිය හැකි බවයි.
එහි පරිමාණය පිළිබඳ නිසි සඳහනක් නොමැති වුවත් එමඟින් මීට වසර මිලියන ගණනකට පෙර එවැනි සුනාමි තත්ත්වයක් ඇති වූ බවටද සාක්ෂි උපුටා දක්වා තිබෙනවා.
මේ අනුව වසර මිලියන ගණනකට පෙර දකුණු ඇමෙරිකාව, නවසීලන්තය සිට ගිණිකොණදිග ආසියාව දක්වා මෙම සුනාමි රළ ඇතිවී තිබෙන බවයි එහි සඳහන් වන්නේ.
එම විශේෂඥයින් වැඩිදුරටත් අනතුරු ඇඟවීම් නිකුත් කර ඇත්තේ සුනාමි අනතුරු ඇඟවීම් හඳුනාගැනීමේ තාක්ෂණය තවදුරටත් වර්ධනය කළ යුතු බවටයි.