රටක් වශයෙන් නිවැරදි තීරණ ගන්නේ නම් මෙරට මුහුණ දී ඇති ආර්ථික අර්බුදයෙන් මිදී ශක්තිමත් ආර්ථිකයක් ගොඩ නගා ගත හැකි බව හිටපු අග්‍රාමාත්‍ය, එක්සත් ජාතික පක්ෂ නායක රනිල් වික්‍රමසිංහ මහතා පවසනවා.
ඒ, සිය නව වසරේ සුභ පැතුම් පණිවඩය හරහා අදහස් දක්වමින්.
රට බංකොලොත්බවට මුදල් අමාත්‍යංශය විසින් සිදු කර ඇති ප්‍රකාශය හරහා රටට විවිධාකාර බලපෑම් ඇතිවිය හැකි බවත් ඔහු පෙන්වා දෙනවා.
මේ සම්බන්ධයෙන් ජාත්‍යන්තර මූල්‍ය අරමුදල සමග සාකච්ඡා කිරීමට සිදුවනු ඇති බවයි හිටපු අග්‍රාමාත්‍යවරයා පෙන්වා දෙන්නේ.
මැයි මස මැද භාගයේදී ඉන්ධන සඳහා වූ ඉන්දීය ණය අවසන් වන නිසා රට තුල ඉන්ධන හිඟයක් ඇති වන බවත් ජූලි මාසය වන විට පෞද්ගලික අංශය ද අක්‍රීය වනු ඇති බවත් ඔහු පවසනවා.
ශ්‍රී ලංකාව පරණ අවුරුද්ද අවසන් කරනුයේ බංකොලොත් රාජ්‍යයක් ලෙස වුවත් ජාත්‍යන්තර සහය ද ගෙන නිවැරදි පිළිවෙත් අනුගමනය කිරීම මගින් නව වසරේ සාර්ථක විය හැකි බවත් රනිල් වික්‍රමසිංහ මහතා අවධාරණය කරනවා.
