හිටපු ජනාධිපති මහින්ද රාජපක්ෂ මහතාගේ බිරිද වන ශිරන්ති රාජපක්ෂ මහත්මිය විසින් ඇයගේ නිල ෆේස්බුක් ගිණුමේ පලකර ඇති ඡායාරූපයක් මේ වන විට සමාජ මාධ්‍යවල දැඩි කතාබහකට ලක්ව තිබෙනවා.
ඒ රාජපක්ෂ පවුලට අයත් කාල්ටන් පෙරපාසල් ජාලයේ කොළඹ හා ගල්කිස්ස යන ශාඛාවන්හී උපාධි ප්‍රදානෝත්සවයක් සම්බන්ධයෙන්.
අදාළ පෙරපාසල් දෙකේ දරුවන්ට උපාධි සහතිකයක් ලබාදෙන ශිරන්ති රාජපක්ෂ මහත්මියද උපාධි ලෝගුවක් හැඳ පෙරපාසල් දරුවන්ටද උපාධි සහතිකයක් ලබාදෙන ආකාරය මෙම ඡායාරූපයෙහි දැක්වෙනවා.
ශිරන්ති රාජපක්ෂ යනු උපාධිධාරිනියක් නොවන අතර ඇය විවාහයට පෙර Miss Sri Lanka තරඟයෙන් ජයග්‍රහණය කිරීමෙන් අනතුරුව 1973 වසරේදී Miss Universe හා Miss World තරඟාවලියට සහභාගී වුණා.
කෙසේ වෙතත් එම තරඟාවලි දෙකෙහිම ඇයට අවසන් පූර්ව වටවලට හෝ තේරී පත්වීමට අවස්ථාවක් ලැබුණේ නැහැ.
මීට පෙර මහින්ද රාජපක්ෂ මහතා බලයේ සිටි සමයේදී ඇය විසින් අක්ෂි සායනයක් මෙහෙයවමින් හැසිරෙන ආකාරයද මාධ්‍ය විසින් වාර්තා කර තිබුණා.
