ඇප කොන්දේසි සම්පූර්ණ කිරීමෙන් පසු අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර මහතා වහාම මුදා හරින ලෙස ගම්පහ අංක දෙක මහාධිකරණ විනිසුරු මාපා බණ්ඩාර මහතා අද (17) වැලිකඩ බන්ධනාගාර අධිකාරිවරයා හට නියෝග කළා.
අභියාචනාධිකරණය ඊයේ (16) දුන් නියෝගය අනුව අද ගම්පහ අංක දෙක මහාධිකරණයේ දී මෙම නඩුව මෝසමක් මාර්ගයෙන් කැඳවනු ලැබුවා.
ශානි අබේසේකර මහතාට අමතරව උප පොලිස් පරීක්ෂක සුගත් මෙන්ඩිස් මහතා ද ඇප කොන්දේසි සපුරා තිබෙන බැවින් ඔහුවද වහාම මුදා හරින ලෙස සුගත් මෙන්ඩිස් මහතා මේ වන විට රදවා සිටින මහර බන්ධනාගාරයේ අධිකාරිවරයාටද ගම්පහ මහාධිකරණ විනිසුරුවරයා නියෝග කළා.
දෙදෙනාගේ විදෙස් ගමන් බලපත්රය සහ ඇප කරුවන් මහාධිකරණ කාර්යාලයට ඉදිරිපත් කරන ලෙස නියෝග කළ මහාධිකරණ විනිසුරුවරයා ඉන් අනතුරුව ඇප තැම්පත් කිරීම සම්බන්ධයෙන් බන්ධනාගාරයට දැනුම් දෙන ලෙස ද නියෝග කළා.