ඛනිජ තෙල් අමාත්‍යංශය විසින්ම නිකුත් කරන ලද මිල සූත්‍රයට අනුව ඉන්ධන මිලෙහි කිසිදු සංශෝධනයක් ඊයේ (15) මධ්‍යම රාත්‍රියේ සිට සිදුනොකිරීමට රජය තීරණය කර තිබෙනවා.
ඒ අනුව මේ වන විට පවතින අධික මිල ගණන් යටතේ තවදුරටත් ඉන්ධන ලබාගැනීමට ඉන්ධන පාරිභෝගිකයන් හට සිදුවනවා.
මේ වන විට ලෝක වෙළෙඳපොලේ බොරතෙල් බැරලයක මිල පහත බැස ඇති තත්ත්වයක් තුළ එහි සහනය ජනතාවට ලැබේ යැයි විවිධ වාර්තා පලවුණා.
කෙසේවෙතත් ඉන්ධන මිලෙහි සහනයක් නොලැබෙන අතර ඉන්ධන කෝටාවට අයත් වන ඉන්ධන ලීටර් ප්‍රමාණයද ඉහළ නොදැමීම හේතුවෙන් තවදුරටත් සාමාන්‍ය පරිදි ඉන්ධන ලබාගැනීම ඉන්ධන පාරිභෝගිකයන් හට සිහිනයක්වී තිබෙනවා.
