සර්ව පාක්ෂික ආණ්ඩුවක් පිහිටුවීමට ආණ්ඩුව මෙන්ම විපක්ෂය ද පිළිගන්නා අයෙකු අගමැති ධුරයට නම් කරන ලෙස වැඩබලන ජනාධිපති රනිල් වික්‍රමසිංහ කතානායකවරයාට දැනුම් දී තිබෙන බව අග්‍රාමාත්‍ය මාධ්‍ය ඒකකය පවසනවා.
තමන් ශ්‍රී ලංකාවෙන් බැහැරව සිටින තෙක් සිය කාර්යාලයේ බලතල, යුතුකම් සහ කාර්යයන් ක්‍රියාත්මක කිරීම සඳහා ආණ්ඩුක්‍රම ව්‍යවස්ථාවේ 37 (1) වගන්තිය යටතේ ශ්‍රී ලංකා ප්‍රජාතාන්ත්‍රික සමාජවාදී ජනරජයේ අග්‍රාමාත්‍ය රනිල් වික්‍රමසිංහව පත් කරමින් ජනාධිපති ගෝඨාභය රාජපක්ෂ විසින් අතිවිශේෂ ගැසට් නිවේදනයක් නිකුත් කර තිබෙනවා.
ඒ අනුව, රනිල් වික්‍රමසිංහ නීත්‍යානුකූලව වැඩබලන ජනාධිපතිවරයා බවට පත්ව ඇති අතර ඔහු විසින් අග්‍රාමාත්‍යවරයෙකු පත් කරගත යුතුව තිබෙනවා.
කෙසේ නමුත් සියලුම පක්ෂ නායකයන්ගේ ටතීරණය වී ඇත්තේ ගෝඨාභය රාජපක්ෂ ජනාධිපති ධුරයෙන් ඉවත් වීමට පෙර රනිල් වික්‍රමසිංහ ඉල්ලා අස්විය යුතු බවටයි.
