ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා විසින් රහසිගත ජනමත විමසුමක ප්රතිඵල ඔහු වෙත ලැබීමත් සමඟ යළිත් වතාවක් පක්ෂය හැර ගිය පිරිස් වෙත එකතු කරගැනීමේ මෙහෙයුමක් දියත් කර තිබෙනවා.
මේ අනුව බැසිල් රාජපක්ෂ මහතා ගෙවී ගිය සතියේ දී පොහොට්ටුවෙන් ඉවත්ව ස්වාධීනව විමල් – ගම්මන්පිල පාර්ශවයට සහ ජී.එල් – ඩලස් පාර්ශවයට විවිධ කණ්ඩායම් හරහා පණිවිඩ කිහිපයක්ම යොමු කර ඇති බවයි වාර්තා වන්නේ.
විමල් විරවංශ මහතාගේ පර්ශයෙන් බැසිල් රාජපක්ෂ මහතාගේ පණිවිඩයට දැඩි පිළිතුරක් ලබා දී ඇති අතර ඔවුන් එහිදී දැනුම් දී ඇත්තේ යළි කිසි දිනෙක ජනවරම විනාශ කළ පොහොට්ටුව සමඟ සන්ධානගත නොවන බවයි.
ජී. එල් සහ ඩලස් පිලද බැසිල්ගේ පණිවිඩයට කිසිඳු ප්රතිචාරයක් දක්වා නොමැති බවයි දේශපාලන ආරංචි මාර්ග වැඩිදුරටත් සඳහන් කරන්නේ.
බැසිල් රාජපක්ෂ මහතා පක්ෂය හැර ගිය අය පසුපස යාමට තීරණය කළේ ඔහු විසින් සිදුකළ රහසිගත සමීක්ෂණයක ප්රතිඵල ලැබීමත් සමඟයි.
අදාළ සමීක්ෂණ ප්රතිඵලයෙන් ඉදිරි මැතිවරණයේ දී සමඟි ජන බලවේගයෙන් 51%ක ඡන්ද ප්රතිශතයක් ලැබෙනු ඇති බව අනාවරණය වී තිබෙනවා.
ජනතා විමුක්ති පෙරමුණ දෙවන ස්ථානය දිනාගෙන විපක්ෂය බවට පත්ව වන බවත් ශ්රී ලංකා පොදු ජන පෙරමුණ තුන්වන ස්ථානයට පත්වනු ඇති බවත් එම සමීක්ෂණ ප්රතිඵලවලින් බැසිල් රාජපක්ෂ මහතාට දැනගන්නට ලැබී ඇති බව සඳහන්.