රී ලංකාවට අවශ්ය ගෘහස්ථ ගෑස් සහ පොහොර සඳහා ආධාර මුදල් වෙන් කිරීමට මේ වන විටත් තීරණය කර ඇති බවත් අත්හිටුවා ඇති ව්යාපෘති මූල්ය ආධාර ලබාදිය හැකි ආකාරයට ප්රති සැලසුම් කරන බවත් ලෝක බැංකු නියෝජිතයන් පවසනවා.
ලෝක බැංකු ආධාර යටතේ ශ්රී ලංකාව තුළ දැනට ව්යාපෘති 17 ක් ක්රියාත්මක වන බවත් පවතින අසීරු අවස්ථාවට මුහුණ දීම සඳහා මූල්ය ආධාර දියහැකි අයුරින් එම ව්යාපෘති ප්රතිසැලසුම් කරන බවත් ලෝක බැංකුවේ ශ්රී ලංකාව සඳහා අධ්යක්ෂ හදාද් සර්වෝස් මහතා සඳහන් කරනවා.
ඒ, ලෝක බැංකු නියෝජිතයන් සහ ජනාධිපති ගෝඨාභය රාජපක්ෂ අතර අද (29) පස්වරුවේ කොළඹ, කොටුව ජනාධිපති මන්දිරයේ පැවති සාකච්ඡාවේදීයි.
ජාත්යන්තර මූල්ය අරමුදල සමග එකඟතාවට පැමිණීමෙන් පසු ලෝක බැංකුවේ සහාය තවදුරටත් ලබාදීමට අපේක්ෂා කරන බවයි කී සර්වෝස් මහතා වැඩි දුරටත් සඳහන් කරන්නේ.
කෘෂිකර්ම, පශු සම්පත්, කුඩා හා මධ්ය පරිමාණ කර්මාන්ත සහ ව්යපාර සඳහා ලබාගත හැකි ආකාරයට අඩු පොළී අනුපාතයක් මත එම ණය නිකුත් කිරීමට කටයුතු කරන ලෙස ජනාධිපති ගෝඨාභය රාජපක්ෂ එහිදී ලෝක බැංකු නියෝජිතයන්ගෙන් ඉල්ලා සිටින ලදි.