ටෙස්ට් තරගයක එක් ඉනිමකදී ප්රතිවාදී කණ්ඩායමේ කඩුලු 10ම තමා සතු කරගත් ලොව තෙවැනි පන්දු යවන්නා ලෙස වාර්තා අතරට එක්වීමට නවසීලන්තයේ දඟ පන්දු යවන ක්රීඩක අජාස් පටෙල් අද සමත් වුණා.
ඒ ඉන්දියාව සමග පැවැත්වෙන දෙවන ටෙස්ට් තරගයේ ඉන්දීය පළමු ඉනීමේ සියලුම කඩුලු තමා සතු කරගනිමින්.
මෙහිදී විශිෂ්ඨ පන්දු යැවීමක නිරත වූ අජාස් පටෙල් පන්දුවාර 47.5ක් යොමු කරමින් ඉන්දීය කණ්ඩායමේ කඩුලු 10ම දවාගත්තේ ලකුණු 119ක් පමණක් ලබාදෙමින්.
ඒ අනුව එවැනි දක්ෂතාවයක් දැක්වූ ලොව තෙවන පන්දු යවන්නා බවට අජාස් පටෙල් පත්විය.
මීට පෙර එම දක්ෂතාවය දක්වා ඇත්තේ ලෝක ඉතිහාසයේ බිහිවූ විශිෂ්ඨතම පන්දු යවන්නෙක් ලෙස සැලකෙන එංගලන්තයේ ජිම් ලෙකර් සහ ඉන්දියාවේ අනිල් කුම්බ්ලේ පමණි.