පොලීසිය විසින් සිදුකරන වැටලීම්, මෙහෙයුම්, සැකකරුවන්ගේ ප්‍රශ්ණ කිරීම්, අත්අඩංගුවට ගැනීම ආදිය සම්බන්ධව වීඩියෝ දර්ශන, පින්තුර මාධ්‍ය ඔස්සේ ප්‍රසිද්ධ කර ප්‍රචාරය කිරීම සියලුම පොලිස් ස්ථානාධිපතිවරුන්ට තහනම් කරමින් නියෝගයක් නිකුත් කර තිබෙනවා.
පොලිස්පතිවරයා විසින් මෙම නියෝගය නිකුත් කර ඇති බවයි වාර්තා වන්නේ.
පසුගියදා මඩකලපුව මීනගයා දුම්රියේ දරුවකු අතහැර යාමේ සිදුවීම සම්බන්ධයෙන් එම දරුවාගේ මම අත්අඩංගුවට ගෙන ප්‍රශ්න කරන ආකාරය වීඩියෝ දර්ශන ප්‍රධාන පෙළේ සියලු මාධ්‍ය ඔස්සේ ප්‍රචාරය වීමෙන් පසුවයි මෙම නියෝගය නිකුත් කරනු ලැබුවේ.
බණ්ඩාරවෙල පොලිසිය විසින් මෙම දර්ශන මාධ්‍ය ඔස්සේ ප්‍රචාරයට ලබා දී තිබුණා.
සැකකරුවකුගෙන් ප්‍රශ්න කරන ආකාරය මාධ්‍ය ඔස්සේ ප්‍රචාරය වීමෙන් එම සැකකරු අපහසුතාවයට පත්වන බවයි පොලිස් මුලස්ථානය සඳහන් කරන්නේ.
ඊට අමතරව පොලිස් ඉදිරි මෙහෙයුම්වලට බාධාවක් වන බවද ඔවුන් පෙන්වා දෙනවා.
තවද පොලීසිය මඟින් සිදුකරන වැටලීම් සඳහා මාධ්‍ය කණ්ඩායම රැගෙන යාම නවතන ලෙස පොලිස් මුලස්ථානය වැඩිදුරටත් සඳහන් කර තිබෙනවා.
