ලංකා ඛනිජ තෙල් සංස්ථාවේ ඉන්ධන අලෙවි කිරීමේදී ලබන ලාභ අලාභ පිළිබඳව විෂයභාර අමාත්‍ය කංචන විජේසේකර මහතා සිය ට්විටර් ගිණුමේ සටහනක් යොදා තිබුණා.
එම සටහනට අනුව ඔක්ටේන් 95 පෙට්‍රල් ලීටරයකින් සංස්ථාව රුපියල් 108.43ක ලාභයක් ලබන බවයි.
ඊට අමතරව ඔක්ටේන් 92 පෙට්‍රල් ලීටරයකින් රුපියල් 6.29ක ලාභයක් ලබන බව එම සටහනේ සඳහන් වේ.
කෙසේ නමුත් ලංකා ඔටෝ ඩීසල් ලීටරයකින් සංස්ථාව ශත 30ක අලාභයක් ලබන අතර සුපිරි ඩීසල් ලීටරයකින් රුපියල් 10.30ක අලාභයක් ලබනු බව වාර්තා වනවා.
රජය මේ වන විට බදු ලෙස ඔක්ටෙන් 92 පෙට්‍රල් ලීටයකින්, ඔක්ටේන් 95 පෙට්‍රල් ලීටරයකින්, ලංකා ඔටෝ ඩීසල් ලීටරයකින් හා ලංකා සුපිරි ඩීසල් ලීටරයකින් පිළිවෙළින් රජය අය කරන බදු ප්‍රමාණය රුපියල් 80.46ක්, රුපියල් 102.9ක්, රුපියල් 59.5ක්, රුපියල් 87.2ක් අය කරනු ලබනවා.
