මිනිස් පරිභෝජනයට නුසුදුසු රුපියල් කෝටි 15ක් පමණ වටිනා පාන්පිටි ඇතුළු පාරිභෝගික භාණ්ඩ තොගයක් ගනේවල්පොළ ප්රදේශයේ ගබඩාවක සඟවා තිබියදී සොයාගත් බව කැකිරාව සෞඛ්ය වෛද්ය නිලධාරී කාර්යාලය පවසනවා.
මෙම භාණ්ඩ වෙළෙඳපොළට නිකුත් කිරීමට සූදානම් කර තිබු බවයි වාර්තා වෙන්නේ.
එහි කිලෝ 25 සහ 50 පාන් පිටි ඇසුරුම් 10,000කට අධික ප්රමාණයක් තිබී සොයාගත් බව වැඩිදුරටත් සඳහන්.
එමෙන්ම, මිනිස් පරිභෝජනයට නුසුදුසු පරිප්පු තොගයක්ද එහි තිබී සොයාගෙන තිබෙනවා.
කැකිරාව සෞඛ්ය වෛද්ය නිලධාරී කාර්යාලයට ලද තොරතුරක් මත සිදුකළ ක්ෂණික වැටලීමකදී මෙම භාණ්ඩ තොගය සොයා ගෙන තිබුණා.
විමර්ශනවලදී අනාවරණය වී ඇත්තේ පාන් පිටි තොගයට මෙම ස්ථානයේදී විෂ ද්රව්ය යොදා එහි සිටි ගුල්ලන් මර්දනය කර යළි සකසා කල් ඉකුත්වීමේ දින වෙනස් කර අලුතින් මුද්රණය කර නව ඇසුරුම්වල නැවත අසුරා යළි බෙදා හැරීමට සූදානම් කර ඇති බවයි.
මහනුවර ප්රදේශයේ පුද්ගලයෙකු මෙම ගබඩාව පවත්වාගෙන ගොස් ඇති අතර ඔහුට සහ එහි සිටි තවත් පුද්ගලයෙකුට එරෙහිව නඩු පැවරිමට පියවර ගත් බව සෞඛ්ය වෛද්ය නිලධාරී කාර්යාලය පවසනවා.