පකිස්තානයේ සිය ඉතිහාසයේ වර්ෂයක් තුළ ලබාගත් ඉහළම විදේශ ණය ප්‍රමාණය ලබාගැනීමට සූදානම් වන බව එරට මාධ්‍ය වාර්තා කර තිබේ.
ඒ අනුව 2022 වර්ෂයේ අයවැය පරතරය පියවීම සදහා ඇමරිකානු ඩොලර් බිලියන 16 ක පමණ මුදලක් ලබා ගැනීමට පකිස්තානය සූදානම් වන බව සදහන් වේ.
එම මුදලින් තුනෙන් දෙකක් පමණ ණය ආපසු ගෙවීම සදහා වැය කිරීමට සිදුවන බවද අදාළ වාර්තවල දැක්වේ.
අන්තර්ජාතික මූල්‍ය අරමුදල,විවිධ අන්තර්ජාතික බැංකු සහ යුරෝ බැදුම්කර හරහා මෙම ණය මුදල ලබාගැනීමට පකිස්තානය සූදානම් වන බව සදහන් වේ.
2021 වර්ෂයේදී ද පකිස්තානය ඩොලර් බිලියන 15.7 ක් තරම් වන විදේශ ණය ලබාගෙන තිබේ.
දකුණු ආසියාවේ විදේශ ණය අර්බුදයෙන් දැඩි ලෙස පීඩා විදින රටවල් අතරේ පකිස්තානයද කැපී පෙනෙන අතර ජාත්‍යන්තර ආර්ථික විශ්ලේෂකයන් සදහන් කරන්නේ පකිස්තානයේ ණය අර්බුදය දිගින් දිගටම උග්‍ර වෙමින් ඇති බවයි.
