ලෝක කුසලාන පාපන්දු තරගාවලියේ “ඒ” කාණ්ඩයේ නෙදර්ලන්ත කණ්ඩායම සහ සෙනගාල් කණ්ඩායම අතර තරගය කටාර් හි අල් තුමාම් ක්‍රීඩාංගනයේදී පැවත්වුණා.
ආරම්භයේ පටන් ම ඉතාම තියුණු මුහුණුවරක් ගත් තරගයේ කණ්ඩායම් දෙකටම අවස්ථා කිහිපයක දී ලද ගෝල වාර්තා කර ගැනීමේ අවස්ථා සාර්ථක කරගන්නට හැකියාවක් ලැබුණේ නැහැ.
ඒ අනුව තරගයේ පළමු අර්ධය කණ්ඩායම් දෙකම ගෝල රහිතව නිමා කළ අතර නෙදර්ලන්ත කණ්ඩායම වෙනුවෙන් කෝඩි ගැප්කෝ තරගයේ 84 වැනි විනාඩියේදී පළමු ගෝලය වාර්තා කළා.
නෙදර්ලන්ත කණ්ඩායම විසින් මෙම ගෝලය වාර්තා කිරීමත් සමඟ සෙනගාල් ක්‍රීඩකයින් සිය ආක්‍රමණශීලී ක්‍රීඩා රටාව තව තවත් දැඩි කළ ද තරගය නිමාවන තුරු ගෝලයක් රැස්කර ගැනීමට ඔවුන්ට හැකියාවක් ලැබුනේ නැහැ.
තරගයේ අමතර කාලයේදී නෙදර්ලන්ත කණ්ඩායමක් වෙනුවෙන් දෙවැනි ගෝලයත් වාර්තා කර ගන්නට ඩේව් ක්ලාසන් සමත්වූ අතර ඒ සමඟම තරගය නිමාවූයේ නෙදර්ලන්ත කණ්ඩායම්ට ගෝල 2 – 0 ක ජයග්‍රහණයක් හිමිකර දෙමින්.
