පසුගිය වසර තුළ ළමා අපයෝජන හා හිංසන සම්බන්ධව පැමිණිලි 6063 ලැබී ඇති බව ළමාරක්ෂක අධිකාරියේ සභාපති මහාචාර්ය මුදිත විදානපතිරණ පවසයි.
එම පැමිණිලි අතරින් බහුතරයක් ලැබී ඇත්තේ කොළඹ, ගම්පහ, කුරුණෑගල ප්‍රදේශවලින් අතර බහුතරයක් චෝදනා එල්ලවී ඇත්තේ පියා, මව සහ ගුරුවරුන්ටය.
එමෙන්ම විවිධ අපයෝජනයට ලක් වූ බව කියන දරුවන් 552 දෙනෙකු පාසල් නොයන බවද අනාවරණය වී ඇත.
එම පැමිණිලි අතරින් 3900ක පරීක්ෂණ අවසන් කර පැමිණිලි 303ක් චෝදනා ගොනු කොට අධිකරණයට කරුණු වාර්තා කර ඇතැයි මහාචාර්ය මුදිතා විදානපතිරණ පවසා ඇත.
හිංසනයට අපයෝජනයට ලක් වූ දරුවන්ගෙන් 396 දෙනකු එම පවුල්වලින් ඉවත් කිරීමට පියවර ගෙන ඇති බවත් වාර්තාවේ.
