30 C
Colombo
Friday, May 20, 2022

ඇමති ධූරය ලැබුණු පසු ලෝහාන් රත්වත්තේ ගැන සිද්ධි 4 ක්

- Advertisement -

රුවන්වැලි සෑයේ යකා නැටීම

රාජ්‍ය අමාත්‍ය ලොහාන් රත්වත්තේ මහතා පසුගිය වසරේ දෙසැම්බර් 05 වෙනිදා මධ්‍යම රාත්‍රියේ කොට කලිසමකින් සහ ටී ෂර්ට් එකකින් සැරසී සිය පවුලේ සාමාජිකයින් සහ ආරක්ෂක නිලධාරින් සමග අධික ලෙස බීමත්ව රුවන්වැලි සෑ පුද බිමට පැමිණ එම පුදබිමෙහි මහත් කළබලයක් ඇතිකළා.

රුවන්වැලිසෑය වන්දනා කිරීමට බැතිමතුන්ට දිනපතා රාත්‍රී 10 වනතෙක් පමණක් අවස්ථාව ලබා දෙන අතර ඉන්පසු එහි කිසිවෙකුටත් ඇතුළුවීමට නොහැකිවන ලෙස පොලිසිය විසින් ප්‍රධාන පිවිසුම් දොරටුවල ඉබි යතුරු යොදා වසා දමා තිබූ අවස්ථාවේ එදින මධ්‍යම රාත්‍රී 12 ට පමණ සිය පවුලේ ඥාතින් සමඟ එහි පැමිණි ලොහාන් රත්වත්තේ මහතාට එහි ආරක්ෂක රාජකාරියේ නිරතව සිටි පොලිස් නිලධාරින් විසින් අවේලාවේ එම පුජා භූමියට ඇතුළුවීමට අවසර නොදීම නිසා කුපිත වී එම පොලිස් නිලධාරීන්ට ඉතා අශෝභන ලෙස බැන වැදී තිබෙනවා.

“යකෝ මම ඇමති කෙනෙක්. ඇමති කෙනෙක්ට රුවන්වැලිසෑය වඳින්න දෙන්නෙ නැත්නම් කවුද යකෝ වඳින්නෙ. එන්න කියාපියව් තොපේ මහ එකාට” යනුවෙන් පොලිස් නාලධාරීන්ට බැනවැදී බලහත්කාරයෙන් ස්වර්ණමාලි මහ සෑ විහාරස්ථානයේ ආවාස ගෙය දෙසින් පුද බිමට ඇතුළුවීමට උත්සාහ දරා ඇතත් අධික ලෙස බීමත්ව සිටි රාජ්‍ය ඇමතිවරයා වාරු නොමැතිව බිම ඇඳ වැටී ඇති බවයි වාර්තා වන්නේ.

පසුව එහි මුරපොලේ සේවයෙහි නිරත පොලිස් නිලධාරින් මෙම සිදුවීම සම්බන්ධයෙන් උඩමළුව පොලිස් ස්ථානයට වාර්තා කොට ඇති අතර මේ බව පොලිස් නිලධාරින් විසින් පසුදින ස්වර්ණමාලි මහසෑ විහාරාධිකාරී පුජ්‍ය පල්ලෙගම් හේමරතන නාහිමිපාණන් වහන්සේටද දන්වා තිබෙනවා.

කෙසේ වෙතත් අදාළ සිදුවීම සම්බන්ධයෙන් රජය පාර්ශවයෙන් අමාත්‍යවරයාට එරෙහිව කිසිදු ක්‍රියාමාර්ගයක් නොගැනීම විශේෂත්වයක්.

මහනුවරදී අහසට වෙඩි

2021 වසරේ ජනවාරි මස දිනෙක අධික ලෙස බීමත්වූ රාජ්‍ය අමාත්‍ය ලොහාන් රත්වත්තේ මහතා මහනුවර පිහිටි ප්‍රසිද්ධ හෝටලයකදී අහසට වෙඩි තබමින් උමතුවෙන් හැසිරී ඇති බවට එකළ තොරතුරු වාර්තා වුණෘ.

අමාත්‍යවරයාගේ මෙම නොසන්සුන්කාරී හැසිරීම පාලනය කිරීමට ආරක්ෂක නිලධාරීන් දැඩි උත්සහයක නිරත වී ඇති බවට එකල එම හෝටලේ පාලනාධිකාරියද සදහන්කර තිබුණා.

ලොහාන් රත්වත්තේ මහතා බීමත්වූ පසුව ඔහුගේ හැසිරීම ඔහුටම පාලනය කර ගත නොහැකි තත්ත්වයක පසුවන බවට අමාත්‍යවරයාගේ සමීපතමයින් පවසනවා.

2013 වසරේ සැප්තැම්බර් මස 21 වනදා මහනුවර – පාතදුම්බර ඡන්ද කොට්ඨාශයේ කැලෑබොක්ක අභිරාම මහා විද්‍යාලයේ ඡන්ද මධ්‍යස්ථානය අසලදීද එකල මහනුවර දිස්ත්‍රික් පාර්ලිමේන්තු මන්ත්‍රී ලොහාන් රත්වත්තේ මහතා ප්‍රමුඛ කණ්ඩායමක් පැමිණ අහසට වෙඩි තබා පහරදීමක් සිදුකර තිබුණා.

වැලිකඩ බන්ධනාගාර සිදුවීම

2021 වසරේ සැප්තැම්බර් මස 12 වනදා රාජ්‍ය අමාත්‍ය ලොහාන් රත්වත්තේ මහතා වැලිකඩ බන්ධනාගාරය වෙත බීමතින් පැමිණ ඔහුගේ මිතුරන් හට එල්ලුම් ගහ පෙන්වීම සඳහා වැලිකඩ බන්ධනාගාරය වෙත රැගෙන ගොස් ඇති බවට මාධ්‍ය වාර්තා පලවුණා.

එහි විශේෂත්වය වන්නේ ලොහාන් රත්වත්තේ මහතා මේ වන විට වගකිවයුතු අමාත්‍ය ධූරයක් වන බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍යවරයාද වීමයි.

අමාත්‍යවරයා සමඟ ඔහුගේ යහළුවන් කිහිප දෙනෙකු සහ විවාහක රූ රැජිණකද පැමිණ ඇති අතර ඔහු අත පිස්තෝලයක්ද තිබූ බව බන්ධනාගාර ආරංචිමාර්ග මාධ්‍ය වෙත පවසා තිබුණා.

ඔහු කෙතරම් බීමත්ව සිටියේද යත් අවස්ථා දෙකකදී ගිනි අවියත් සමඟම ඔහු බිම ඇඳ වැටුණු බවයි වාර්තා වන්නේ.

කෙසේ වෙතත් මෙම සිදුවීම පිළිබදව බන්ධනාගාර මාධ්‍ය ප්‍රකාශක බන්ධනාගාර කොමසාරිස් චන්දන ඒකනායක මහතා පවසා ඇත්තේ මෙවැනි සිදුවීමක් පිළිබදව තමන් කිසිවක් නොදන්නා බවයි.

අනුරාධපුරයේ පිස්තෝල සෙල්ලම

වැලිකඩ බන්ධනාගාර සිදුවීම සිදුවූ 2021 සැප්තැම්බර් මස 12 වන දිනම රාජ්‍ය අමාත්‍ය ලොහාන් රත්වත්තේ මහතා බීමතින් අනුරාධපුර බන්ධනාගාරය වෙතද ගොස් ප්‍රචණ්ඩකාරී ලෙස හැසිරී තිබෙනවා.

පිස්තෝලයක්ද අතැතිව සිය ඇමති ආරක්ෂකයින් සමඟ අනුරාධපුර බන්ධනාගාරයට ගිය අමාත්‍යවරයා බන්ධනාගාරයේ LTTE සැකකරුවන් රඳවා ඇති වාට්ටුව වෙත ගොස් එහි රඳවා සිටින සැකකරුවන් 08 දෙනා අතුරින් සැකකරුවන් දෙදෙනෙකු පිටතට ගෙන දණගස්වා ඔවුන්ගේ හිසට ගිනිඅවියක් තබා තර්ජනය කර ඇති බව වාර්තා වනවා.

මෙම සිදුවීම තහවුරු කරමින් දෙමළ ජාතික සන්ධානයද නිවේදනයක් නිකුත් කරමින් පවසන්නේ අනුරාධපුර බන්ධනාගාරයේදී සිරකරුවන් මරාදමන බවට රාජ්‍ය අමාත්‍ය ලොහාන් රත්වත්තේ මහතා තර්ජනය කිරීමේ සිදුවීමට වහාම විමර්ශනයක් සිදුකර ඔහුව රාජ්‍ය අමාත්‍ය ධූරයෙන් නෙරපා දමන ලෙසයි.


RECENT ARTICLES - SINHALA

මනූෂට හා හරීන්ට විනය පරීක්ෂණ

අද (20) දිනයේ අමාත්‍ය ධූර භාර ගත් මනූෂ නානායක්කාරට සහ හරීන් ප්‍රනාන්දු යන අයට එරෙහිව විනය ක්‍රියාමාර්ග ගන්නා බව සමගි ජන බලවේගයේ...

ඇමතිවරු 9ක් දිවුරුම් දෙයි – හරීන්, මනූෂටත් ඇමතිකම්

කැබිනට් අමාත්‍යවරු කිහිප දෙනෙකු අද පෙරවරුවේ ජනාධිපති ගෝඨාභය රාජපක්ෂ ඉදිරියේදී දිවුරුම් දුන්නා.ඒ අනුව දිවුරුම්දුන් අමාත්‍යවරුන් පහතින්,* නිමල් සිරිපාල ද සිල්වා - වරාය,...

බේරේ වැව අසලදී පහරකෑ පුද්ගලයෙක් මරුට

පසුගිය මැයි 9වනදා ඇතිවූ සිදුවීමේදී පහරකෑමට ලක්වී ප්‍රතිකාර ලබමින් සිටි පුද්ගලයෙක් මියගොස් තිබෙනවා. මෙලෙස මියගොස් ඇත්තේ කොල්ලුපිටිය පෙරහැර මාවත...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...