ඉතිහාසයේ ප්රථම වතාවට සියලුම වෛද්ය සංගම් එක්වී පවත්නා කොවිඩ් අධි අවධානම් තත්ත්වය පිළිබදව පැහැදිළි කරමින් ජනාධිපති ගෝඨාභය රාජපක්ෂ මහතාට ඒකාබද්ධ ලිපියක් යොමුකර තිබෙනවා.
මෙම ලිපිය සඳහා ශ්රී ලංකා වෛද්ය සංගමය, රජයේ වෛද්ය නිලධාරීන්ගේ සංගමය, විශේෂඥ වෛද්යවරුන්ගේ සංගමය, ශ්රී ලංකා වෛද්ය සංගමයේ අන්තර්විද්යාල කමිටුව අත්සන් තබා තිබෙනවා.
අදාල ලිපිය මගින් ඔවුන් පෙන්වාදී ඇත්තේ ශ්රී ලංකාව තුළ මේ වන විට කොවිඩ් 19 වසංගත තත්ත්වය පෙර නොවූවිරූ ආකාරයෙන් වේගයෙන් පැතිරෙමින් පවතින බවයි.
ඒ හේතුවෙන් රෝගීන් සංඛ්යාව මෙන්ම මරණ සංඛ්යාවද වේගයෙන් ඉහළ යමින් තිබෙන බවත් මේ නිසා කුමන රෝගියාට ප්රතිකාර කරන්නේද කුමන රෝගියාට මියයන්නට හරින්නේද යන්න පවා තිරණය කිරීමේ තත්ත්වයකට එළැඹීමට සිදුව ඇති බවද ලිපියෙහි සදහන්.
මෙම තත්ත්වය ඉදිරියේදී ජාතික ව්යාසන තත්ත්වයකට පත්විය හැකි බැවින් මහජනතාවගේ සංචරණයට දැඩි සීමා පැනවීමට ඔවුන් යෝජනා කර තිබෙනවා.