ජනාධිපති ගෝඨාභය රාජපක්ෂ මහතා හා සියලු පාර්ශවයන් සමඟ පැවති සාකච්ඡාවලින් අනතුරුව සියලු පළාත් අතර සංචරණ සීමා පැනවීමට තීරණය කළ බව ජනාධිපති මාධ්‍ය ප්‍රකාශක කිංස්ලි රත්නායක මහතා නිවේදනය කළත් එය ක්‍රියාත්මක වන දිනයක් පිළිබදව එහි සඳහනක් නොමැතිවීමෙන් මහජනතාව අතර ව්‍යාකූල තත්ත්වයක් හටගෙන තිබෙනවා.
එම සාකච්ඡාවේදී පළාත් අතර සංචරණ සීමා පැනවීමට අමතරව පිරිස එක්රැස්වී කරන සියලු සම්භාෂණ අවස්ථා අවලංගු කිරීමටත්, වෙළෙඳ ආයතන තුළට පිවිසීමේදී හා රැදී සිටය හැකි පුද්ගලයින් සීමා කිරීමටත්, ආසාදිතයන් බහුලව හමුවන ප්‍රදේශ හුදෙකළා කිරීමටත් තීරණය කර ඇති බව අදාළ නිවේදනයේ සඳහන්.
මෙම තීරණ එළැඹෙන මැයි 30 වනදා දක්වා ක්‍රියාත්මක කිරීමටද ජනාධිපතිවරයා උපදෙස් ලබාදී තිබෙන බවයි නිවේදනයෙන් පැවසෙන්නේ.
කෙසේ වෙතත් අදාළ තීරණ ක්‍රියාත්මක වන්නේ කවදා සිටදැයි එහි සඳහන් වන්නේ නැහැ.
