IPL තරගාවලියේ රෝයල් චැලෙන්ජර්ස් බැංගලෝර් කණ්ඩායම සහ සන්රයිසස් හයිද්රාබාද් කණ්ඩායම අතර ඊයේ (15) පැවති සුපිරි ක්රිකට් තරගයේ වාර්තා අලුත් කරන්නට සන්රයිසස් හයිද්රාබාද් කණ්ඩායම සමත් වුණා.
ඊයේ පැවති තරගයෙන් රෝයල් චැලෙන්ජර්ස් බැංගලෝර් කණ්ඩායම ලකුණු 25කින් පරාජය කළ සන්රයිසස් හයිද්රාබාද් කණ්ඩායම ජය හිමිකරගත්තා.
සන්රයිසස් හයිද්රාබාද් කණ්ඩායම පන්දුවාර 20 දී කඩුලු 03ක් දැවී ලකුණු 287ක් ලබා ගත් අතර එය IPL පිටියේ කණ්ඩායමක් ලැබූ ඉහළම ලකුණු සංඛ්යාව වනවා.
එය මීට සති තුනකට පෙර සන්රයිසස් හයිද්රාබාද් කණ්ඩායම විසින් මුම්බායි ඉන්දියන්ස් කණ්ඩායමට එරෙහිව කඩුලු 03ක් දැවී ලකුණු 277ක් ලබා පිහිට වූ වාර්තාව අලුත් කිරීමක්.
මෙම තරගයේ දී රෝයල් චැලෙන්ජර්ස් බැංගලෝර් කණ්ඩායමද කඩුලු 07ක් දැවී ලකුණු 262ක් ලබා ගැනීමට සමත් වුණා.
ඒ අනුව සමස්ත තරගයේ දී ලකුණු 549ක් වාර්තා වූ අතර එය පන්දුවාර විස්ස තරගයක දී කණ්ඩායම් දෙකක් වාර්තා කළ වැඩිම ලකුණු සංඛ්යාවද වනවා.
එම තරගයේදී සන්රයිසස් හයිද්රාබාද් කණ්ඩායම හයේ පහර 22ක් එල්ල කළ අතර එය IPL තරගයක ඉනිමකදී එල්ලකළ වැඩිම හයේ පහර සංඛ්යාවද වනවා.
තරගය පුරා හයේ පහර 38ක් එල්ල වූ අතර එය ද ඕනෑම පන්දුවාර විස්සයි විස්ස තරගයක වාර්තා වූ වැඩිම හයේ පහර සංඛ්යාව ද වුණා.