දිනකට කොවිඩ් ආසාදිත රෝගීන් 2000 ක් පමණ හදුනාගන්නා විට ඊට සමාන්තරව හදුනානොගත් කොවිඩ් රෝගීන් දෙගුණයක් හෝ තුන් ගුණයක් සිටින බව ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය සුදර්ශනී ප්‍රනාන්දුපුල්ලෙ මහත්මිය පවසනවා.
එමෙන්ම ඉදිරි සති කිහිපය තුළ කොවිඩ් රෝගීන් සංඛ්‍යාව හා මරණ සංඛ්‍යාව තවදුරටත් ඉහළ යා හැකි බවටයි ඇය අනතුරු අඟවන්නේ.
මේ නිසා අනවශ්‍ය සංචරණයන් අවම කරගනිමින් ජනතාව ගෘහස්තව සිටීම ඉතා වැදගත් බව ප්‍රනන්දුපුල්ලේ මහත්මිය පෙන්වා දෙනවා.
“මිනිසුන් දිගින් දිගටම වගකීම් විරහිතව කටයුතු කළහොත්, නුදුරු අනාගතයේ දී තත්වය විපතකට පත්වනවා. එ්නිසා ඔවුන්ට ආරක්ෂිතව හා වගකීමෙන් යුතුව කටයුතු කරන ලෙසට අපි නිහතමානීව ජනතාවගෙන් ඉල්ලා සිටිනවා. අපට මානව සම්පත් අහිමි වුවහොත් ඇඳන් සහ දැඩි සත්කාර ඒකකයේ ධාරිතාව ඉහළ නැංවීමේ තේරුමක් ඇත්තේ න‍ැහැ.”
