දැනට පනවා ඇති සංචරණ සීමා එළඹෙන ජුනි 7 වනදා තෙක් දීර්ඝ කිරීමට රජය තීරණය කර තිබෙනවා.
ඒ අනුව දැනට පනවා ඇති සංචරණ සීමාවන් ඒ ආකාරයෙන්ම ජුනි 7 වනදා දක්වා ක්‍රියාත්මක වන අතර ඒ අතර කාලය තුළ දින 3 ක කාලයක් අත්‍යාවශ්‍ය භාණ්ඩ මිලදී ගැනීම සඳහා ජනතාවට අවස්ථාව ලබාදී තිබෙනවා.
ඒ අනුව හෙට (25) දිනයේ උදෑසන 4 ට සංචරණ සීමා ලිහිල් කෙරෙන අතර අත්‍යවශ්‍ය භාණ්ඩ මිලදී ගැනීම සඳහා එක් නිවසකින් එක් පුද්ගලයෙකුට පමණක් නිවසින් බැහැර විය හැකියි.
ඉන් අනතුරුව එළැඹෙන මැයි 31 වන දින හා ජුනි 4 වන දින යළිත් වරක් පෙර කොන්දේසිවලට යටත්ව සංචරණ සීමා ලිහිල් කෙරෙනු ඇති.
අදළ තීරණ දැනුම් දෙමින් අමාත්‍ය ජොන්ස්ටන් ප්‍රනාන්දු මහතා පැවසුවේ අත්‍යාවශ්‍ය භාණ්ඩ මිලදී ගැනීමට හෝ කිසිදු වාහනයක් භාවිතා කරමින් ගමන් කළ නොහැකි අතර නිවසට ආසන්නතම භාණ්ඩ අලෙවිසැලෙන් අවශ්‍ය බඩු භාණ්ඩ මිලදී ගන්නා ලෙසයි.
එමෙන්ම පොලිස් මාධ්‍ය ප්‍රකාශක අජිත් රෝහණ මහතා සඳහන් කළේ යම් වෙළෙඳසැලක් හෝ අලෙවිසැලක් ඉදිරිපිට වාහනයක් නවතා තිබුණහොත් අදාළ වාහනයේ හිමිකරුට නීතිය ක්‍රියාත්මක කරන බවයි.
