කෝවිඩ් අර්බුදයෙන් දැඩි ලෙස පීඩාවට පත් ඉන්දියාවේ තත්වය මේ වනවිට ක්‍රමයෙන් යහපත් වෙමින් ඇතැයි එරට මාධ්‍ය වාර්තා කර තිබේ.
ගතවූ පැය විසිහතර තුළ එරට කෝවිඩ් පරීක්ෂණ 2,217,000 ක් සිදුකර ඇති අතර එහිදී හමුවී ඇති ආසාදිතයන් සංඛ්‍යාව 208,921කි.
ඒ අනුව මීට සති කිහිපයකට පෙර සියයට 30 ඉක්මවා තිබූ ආසාදිතයන් වාර්තාවීමේ ප්‍රතිශතය සියයට දහය දක්වා අඩුවී තිබේ.
මීට සති කිහිපයකට පෙර ලක්ෂ හතර ඉක්මවා තිබූ දෛනික ආසාදිතයන් සංඛ්‍යාවද මේ වනවිට ලක්ෂ දෙක පමණ මට්ටමට අඩුවී ඇති බව වාර්තා වේ.
මිලියන විස්සක පමණ ජන සංඛ්‍යාවක් ජීවත්වන දිල්ලි අගනුවරින් ඊයේ වාර්තා වී ඇති කොරෝනා අසාදිතයන් සංඛ්‍යාව 1568ක් පමණක් වන අතර ඒ සිදුකරන ලද 60,000කට ආසන්න පරීක්ෂණ සංඛ්‍යාවකදීය.
දිල්ලිය,මහාරාෂ්ට්‍ර ,උත්තර වැනි ප්‍රාන්තවල අසාදිතයන් වාර්තාවීම අඩුවී ඇතත් තමිල්නාඩුව, කර්ණාටක සහ කේරල යන ප්‍රාන්තවල තවමත් අසාදිතයන් වාර්තාවීම සැලකිය යුතු මට්ටමක පවතින බව සදහන් වේ.
කෙසේවෙතත් සියලුම ප්‍රාන්ත දැඩි ලෙස සංචරණ සීමා ක්‍රියාත්මක කර ඇති අතර ලබන සතියේ සිට ඇතැම් ප්‍රාන්තවල සීමා ලිහිල් කරනු ඇතැයි එරට වාර්තා වැඩ්දුරටත් සදහන් කරයි.
මේ අතර එරට හමුදා මාණ්ඩලික ප්‍රධානී ජනරාල් බිපින් රාවත් සදහන් කර ඇත්තේ කොරෝනා පාලනය සදහා අවශ්‍ය සහය ලබාදීමට එරට හමුදාව උපරිමයෙන් කැපවී සිටින බවයි.
සෞඛ්‍ය අංශවල ඉල්ලීම පරිදි අවශ්‍ය සහය ලබාදීමට සූදානම් බවද එරට හමුදා ප්‍රධානියා එහිදී සදහන් කර තිබේ.
