ඔස්ට්‍රේලියාවේ මෙල්බර්න් නගරයෙන් පළමුවරට අධික ලෙස පැතිර යන ඩෙල්ටා කොවිඩ්-19 වෛරස ප්‍රභේදය හඳුනාගත් බව වික්ටෝරියා ප්‍රාන්ත බලධාරීන් ප්‍රකාශ කරයි.
ලෝක සෞඛ්‍ය සංවිධානය විසින් කොවිඩ්-19 ප්‍රභේද හතර අතරට නම් කරන ලද ඩෙල්ටා වෛරස ප්‍රභේදය පහසුවෙන් ව්‍යාප්ත වන බවට සාක්ෂි හමු වී තිබේ.එමෙන්ම ඉන්දියාව මේ වන විට මුහුණ දී ඇති විනාශකාරී පැතිර යාමට ද හේතුව මෙම වෛරස ප්‍රභේදයයි.
මෙම නව ප්‍රභේදය ඔස්ට්‍රේලියාවේ නිරෝධායන මධ්‍යස්ථාන හෝ වෙනත් කිසිදු තැනකින් වාර්තා වූ කොවිඩ්-19 ආසාධිතයන් සමඟ සම්බන්ධ වී නැතැයි බලධාරීන් පවසයි.
සති දෙකකට පමණ පෙර අසල්වැසි සවුත්වේල්ස් වෙත ගිය පවුලක සාමාජිකයන් දෙදෙනෙකු තුළ ඩෙල්ටා ප්‍රභේදය මෙසේ මුල්වරට අනාවරණය වී තිබේ.
