ඉන්ධන මිල ඉහළ දැමීම හේතුවෙන් රජය අපහසුතාවයට පත්කර ඇති බවට චෝදනා නගමින් ශ්‍රී ලංකා පොදුජන පෙරමුණ නිකුත් කර ඇති නිවේදනය සම්බන්ධයෙන් සාකච්ඡා කිරීම සඳහා මේ වන විට ආණ්ඩු පක්ෂයේ පක්ෂ නායකයින් කිහිප දෙනෙකු රැස්ව තිබෙනවා.
මලලසේකර මාවතේ පිහිටි කර්මාන්ත අමාත්‍ය විමල් වීරවංශ මහතාගේ නිවසේ රැස්වී ඇති මෙම පිරිස උදය ගම්මන්පිල අමාත්‍යවරයා ඉලක්ක කරගෙන ශ්‍රී ලංකා පොදුජන පෙරමුණ සිදුකල ප්‍රකාශය හා ඒ සම්බන්ද ඉදිරි ක්‍රියාමාර්ග සාකච්ඡා කෙරෙමින් පවතින බවයි වාර්තා වන්නේ.
අදාළ සාකච්ඡාවට වෙළෙඳ අමාත්‍ය බන්දුල ගුණවර්ධන මහතා මෙන්ම අපේ ජනබල පක්ෂයේ පාර්ලිමේන්තු මන්ත්‍රි පූජ්‍ය අතුරලියේ රතන හිමිද සහභාගීවී ඇති බවට තොරතුරු වාර්තා වනවා.
ශ්‍රී ලංකා පොදුජන පෙරමුණේ නිවේදනය සම්බන්දයෙන් තම මතය ප්‍රකාශ කිරීම සඳහා අමාත්‍ය උදය ගම්මන්පිල මහතා අද (13) පස්වරු 2 ට විශේෂ ප්‍රවෘත්ති සාකච්ඡාවක්ද කැඳවා තිබෙනවා.
