අමාත්‍ය උදය ගම්මන්පිළ මහතා සම්බන්ධව පොදුජන එක්සත් පෙරමුණ විසින් සිදු කළ ප්‍රකාශය සාහසික බව අමාත්‍ය වාසුදේව නානයක්කාර මහතා පවසනවා.
ඒ මහතා මේ බව ප්‍රකාශ කර සිටියේ අද (13) දින මලලසේකර මාවතේ පිහිටි කර්මාන්ත අමාත්‍ය විමල් වීරවංශ මහතාගේ නිවසේ පැවති සාකච්ඡාවකින් අනතුරුව මාධ්‍ය වෙත අදහස් දක්වමින්.
ශ්‍රී ලංකා පොදුජන පෙරමුණේ නිවේදනය සම්බන්දයෙන් තම මතය ප්‍රකාශ කිරීම සඳහා අමාත්‍ය උදය ගම්මන්පිල මහතා අද (13) පස්වරු 2 ට විශේෂ ප්‍රවෘත්ති සාකච්ඡාවක්ද කැඳවා තිබෙනවා.
ඉන්ධන මිල වැඩිවීම සම්බන්ධයෙන් වගකීම භාරගෙන සිය අමාත්‍යධූරයෙන් ඉල්ලා අස්වෙන ලෙස අමාත්‍ය උදය ගම්මන්පිළ මහතා හට පොදුජන එක්සත් පෙරමුණ විසින් ඊයේ (12) දින දැනුම්දෙනු ලැබුවා.
කොවිඩ් වසංගතයෙන් ජනතාවගේ ජීවිත අර්බුදකාරී තත්වයකට පත්ව තිබියදී රජය අපහසුතාවයට පත් කිරීම සඳහා සිතාමතාම මෙවැනි තීරණයක් ගත්තාදැයි සැකයක් පවතින බවත් එබැවින් අමාත්‍යවරයා ඉල්ලා අස්වියයුතුව ඇති බවත් පක්ෂයේ ලිපිශීර්ෂයක එහි ප්‍රධාන ලේකම්වරයාගේ අත්සනින් යුතු ලිපියක දැක්වුණා.
සබැඳි ලිපි..
