බ්‍රෙක්සිට් සැලැස්ම 2021 දී ක්‍රියාවට නැගීමෙන් පසු යුරෝපා සංගමයේ සාමාජිකත්වයෙන් බ්‍රිතාන්‍යය වෙන් වූවාට, දැනට යුරෝපා සංගමය ශ්‍රී ලංකාවට ලබාදෙන බව අපනයන සංවර්ධන මණ්ඩලය නිවේදනයකින් ප්‍රකාශ කර තිබෙනවා. ජීඑස්පී ප්ලස් යනු ශ්‍රී ලංකාවෙන් කරන අපනයන සඳහා යුරෝපා සංගමය ලබාදෙන සහන පැකේජයක්.
එහි සඳහන් වන්නේ ශ්‍රී ලංකාව යුරෝපයට කරන ආනයනයනවලින් වැඩි ප්‍රමාණයක් බ්‍රිතාන්‍යයට කරනු ලබන අපනයන බවත්, ඇමෙරිකා එක්සත් ජනපදය හැරුණු කොට ශ්‍රී ලංකාව වැඩිම අපනයන සිදුකරන රට බවත්. ඒ අනුව ශ්‍රී ලංකාවට විශාල ආර්ථික සහනයක් වන ජීඑස්පී ප්ලස් සහනයේ වරප්‍රසාද බ්‍රෙක්සිට් ක්‍රියාවලියෙන් පසුත් ශ්‍රී ලංකාවේ අපනයන වෙළඳපොළට ලැබෙනු ඇති.
2020 වර්ෂයේ මුල් කාලසීමාවේ බ්‍රිතාන්‍යයට සිදු කළ අපනයනවලින් ඇමෙරිකානු ඩොලර් මිලියන 766.72ක් ශ්‍රී ලංකාවට ලැබුණා.
මීට පෙර මානව හිමිකම් කඩ කිරීම් පිලිබඳ චෝදනා ශ්‍රී ලංකාවට එල්ල වූ නිසා ජීඑස්පී ප්ලස් සහනය අහෝසි කර තිබුණා. 2015න් පසු එම සහනය නැවත ශ්‍රී ලංකාවට ලැබුණා.
(මේ දිනවල චීනය සහ ශ්‍රී ලංකාව අතර ආර්ථික සම්බන්ධතා පිළිබඳ උනන්දුවක් දක්වන නිසා මෙම අමතර සටහන. ශ්‍රී ලංකාවේ සාමාන්‍ය පුරවැසියන් අතර කෙතරම් තදබල ඇමෙරිකානු හා බටහිර විරෝධයක් තිබුණත්, ශ්‍රී ලංකාව වැඩිපුරම අපනයන සිදු කරන වෙළඳපොල ඇමෙරිකා එක්සත් ජනපදය හා යුරෝපීය රටවල් බව සිහි තබාගත යුතුයි. චීනයෙන් ශ්‍රී ලංකාවට ණය ලැබෙනවා මිස, අපනයන සිදුකොට ලාභ ලැබීමේ හැකියාවක් චීනය සමඟ සම්බන්ධතාවලින් අපට ලැබෙන්නේ නැහැ. චීනයෙන් ශ්‍රී ලංකාවට භාණ්ඩ අපනයන කොට, ඒවායින් චීනයට ලංකාවේ මුදල් ගමන් කරනවා පමණයි.)
