සහරාන් ඇතුළු කණ්ඩායමට මුදල් ලැබුණු ආකාරය, සහරාන්ගේ බිරිඳ ෆාතිමා හාදියාගේ ජීවිතයට තර්ජනයක් ඇති බව හා ඇය තංගල්ල බන්ධනාගාරයේ රැඳවීමක් පිළිබඳව පාර්ලිමේන්තු මන්ත්‍රී ඉරාන් වික්‍රමරත්න සිදු කළ ප්‍රවෘත්ති සාකච්ඡාවක් සම්බන්ධයෙන් කරුණු විමසීමක් කිරීම සදහා ඔහුගෙන් අපරාධ පරීක්ෂණ දෙපාර්තමේන්තුව ප්‍රකාශයක් ලබාගෙන ඇති බව පොලිසිය නිවේදනයක් නිකුත් කරමින් පවසයි.
නොවැම්බර් 16 දින පැය 4ක කාලයක් අදාල ප්‍රකාශය ලබා ගෙන ඇත.
පාස්කු ප්‍රහාරය මෙහෙයවු සහරාන්ගේ බිරිඳ සිදුකළා යැයි පැවසෙන ප්‍රකාශයක කරුණු පදනම් කරගමිනින් ඉරාන් වික්‍රමරත්න මහතා විසින් 2020.11.12 වන දින ප්‍රවෘත්ති සාකච්ඡාවක් පවත්වා ඇත. මේ සම්බන්ධයෙන් අපරාධ පරීක්ෂණ දෙපාර්තමේන්තුව වැඩිදුරටත් පරීක්ෂණ පවත්වන බවත් ඉරාන් මහතාගේ ප්‍රකාශයෙන් අනාවරණය වු කරුණු මත කලම්බු ටෙලිග්‍රාෆ් වෙබ් අඩවිය සම්බන්ධයෙනුත් මේ වන විට විමර්ශණයක් ආරම්භ කර ඇති බවත් එම නිවේදනයේ සදහන් වේ.
