කුරුවිට ප්රාදේශීය සභා මන්ත්රී එස්. රත්නසිරි මහතාව සිය මන්ත්රී ධූරයෙන් ඉවත් කිරීම වළක්වාලමින් පොදුජන පෙරමුණේ ලේකම් සාගර කාරියවසම් මහතා වෙත කොළඹ දිසා අධිකරණය විසින් වාරණ නියෝගයක් නිකුත් කර තිබෙනවා.
කොළඹ දිසා විනිසුරු අරුණ අලුත්ගේ මහතා නිකුත් කළ මෙම වාරණ නියෝගය ජුලි මස 12 වැනිදා දක්වා බලාත්මක වන අතර විනිසුරුවරයා මෙම නියෝගය නිකුත් කර ඇත්තේ එස්. රත්නසිරි ප්රාදේශීය සභා මන්ත්රීවරයා විසින් ගොනුකර තිබූ පැමිණිල්ල සලකා බැලීමෙන් අනතුරුවයි.
පසුගිය මැයි මස 20 වැනිදා කුරුවිට ජල යෝජනා ක්රමය අසලදී තමන් අමාත්ය වාසුදේව නානායක්කාර මහතාට අපහාසාත්මක වන පරිදි බැන වැදුනේ යැයි පවසමින් වාසුදේව නානායක්කාර ඇමතිවරයා විසින් ශ්රී ලංකා පොදුජන පෙරමුණේ මහ ලේකම්වරයාට පැමිණිලි කර ඇති බවත් තමන්ව සිය මන්ත්රී ධූරයෙන් ඉවත් කරන ලෙසට වාසුදේව ඇමතිවරයා ඉල්ලා ඇති බවත් පැමිණිලිකරු සිය පෙත්සමෙන් පවසනවා.
තමන්ව පක්ෂයෙන් නෙරපීමට ක්රියා කිරීම නීතිවිරෝධී බැවින් තමන් ඉවත් කර, ඒ වෙනුවට වෙනත් පුද්ගලයෙකු පත් කිරීම වළක්වාලන නියෝගයක් නිකුත් කරන ලෙසයි එස්. රත්නසිරි මන්ත්රීවරයා අධිකරණයෙන් ඉල්ලා ඇත්තේ.
කරුණු සලකා බැලූ අධිකරණය අදාල මන්ත්රීවරයා ඉවත් කිරීම ජුලි 12 වැනිදා දක්වා වාරණය කරමින් නියෝගයක් නිකුත් කළ අතර මෙම පැමිණිල්ලේ වගඋත්තරකරුවන් ලෙස නම්කර සිටින පොදුජන පෙරමුණේ මහ ලේකම් සාගර කාරියවසම් මහතාට සහ අමාත්ය වාසුදේව නානායක්කාර මහතාට අධිකරණය හමුවේ කරුණු දක්වන්නැයි නොතීසි ද නිකුත් කිරීමට අධිකරණය විසින් කටයුතු කළා.