1977ට පෙර පැවති ආර්ථීක වැඩපිළිවෙල අනුව අනවශ්‍ය ආනයන සම්පූර්ණයෙන්ම නතර කර දමා නැවතත් මෙරට තුළ නව ආර්ථික ක්‍රියාවලියක් සකස් කරන බවත් ඒ අනුව නව රටක් බිහි කිරීමේ මාර්ගයට අනුකූලව අගමැතිවරයා 2021 අයවැය ඉදිරිපත් කර ඇති බව කිතුල්, පොල්, තල් සංවර්ධන අමාත්‍ය අරුන්දික ප්‍රනාන්දු මහතා පවසයි.
ඔහු මේ බව පැවසුවේ නොවැම්බර් 17 දින පාර්ලිමේන්තු රැස්වීමෙන් අනතුරුව පිටව යන අවස්ථාවේදී මාධ්‍ය වෙත කරුණු දක්වමින්ය.
2019 දෙසැම්බර් 05 වෙනි දින ජනාධිපති ගෝඨාභය රාජපක්ෂගේ උපදෙස් පරිදි කහ, ගම්මිරිස්, කරුංකා, සියඹලා, කුරුඳු, සාදික්කා, වසාවාසි, ඉඟුරු සහ කරාබුනැටි කුළුබඩු භෝග ගණනාවක් පිටරටින් ගෙන්වීම තහනම් කර තිබුණි. මේ වන විට මෙරට තුළ අත්‍යවශ ද්‍රව්‍ය විශාල ප්‍රමාණයක හිඟයක් ඇත. ඒ අතර ටයර්,වාහන වැනි අත්‍යවශය උපාංගවලද හිඟයක් දක්නට ඇත.
