එන්නත්කරණ වැඩපිළිවෙල ඉතාමත් අවුල්සහගත තත්වයකට පත්ව ඇති බව රජයේ වෛද්‍ය නිලධාරීන්ගේ සංගමය පවසනවා.
ඒ එන්නත්කරණ මධ්‍යස්ථාන වලදී සිදුවන අඩුපාඩු, ජනතාව තෙරපීම් සහ කළහ කරගැනීම් වාර්තාවීම සම්බන්ධයෙන් අදහස් දක්වමින්. එන්නත්කරණය සිදුකරන බවට පැතිරෙන ප්‍රචාර නිසා පැමිණි ජනතාවව ආපසු හරවා යැවීම්ද වාර්තා වනවා.
විවිධ හමුදා කඳවුරු වලට එන්නත්කරන වැඩපිළිවෙල ලබා දේ නම් සෞඛ්‍ය අංශයක් පවතින්නේ කුමන හේතුවකටදැයි රජයේ වෛද්‍ය නිලධාරීන්ගේ සංගමය වැඩිදුරටත් විමසා සිටිනවා.
එමෙන්ම, ඉදිරි දින කිහිපයේ කොරෝනා ආසාදිත රෝගීන් සංඛ්‍යාවේ විශාල ඉහළයාමක් සිදුවිය හැකි බවට ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය අනතුරු ඇඟවීමක්ද සිදු කරනවා. පසුගිය දිනවල පැවති වර්ජන ක්‍රියාමාර්ගය හේතුවෙන් අඩාල වී තිබූ කොරෝනා පරීක්ෂණ මේ වනවිට සාමාන්‍ය තත්වයට පත්වීම හේතුවෙන් මෙලෙස රෝගීන්ගේ විශාල වැඩිවීමක් අපේක්ෂා කළ හැකි බවයි එම සංගමයේ සභාපති උපුල් රෝහණ මහතා කියා සිටියේ.
