චීනය සිය නැගෙනහිර වෙරළ කළාපය ආශ්රිත කහ මුහුදේ චීනය විසින් යුද අභ්යාසයක් පවත්වමින් සිටින බව වාර්තා වේ.
විදෙස් මාධ්ය වාර්තා කළේ ඊයේ ආරම්භ වූ මෙම හදිසි යුද අභ්යාසය දින පහක් පුරා පැවැත්වෙන බවයි.
මෙම හදිසි යුද අභ්යාසය පැවැත්වීමට අදාළ හේතුව මෙතෙක් ප්රකාශයට පත් කර නැති අතර නෞකා නාශක මිසයිලවලින් සන්නද්ධ කුඩා ප්රමාණයේ යුද නෞකා රැසක් මේ සදහා එක්ව සිටින බව සදහන් වේ.
යුද අභ්යාසය හේතුවෙන් චීන සමුදු ආරක්ෂණ අධිකාරිය සහ මහජන චීන නාවික හමුදාව එක්ව අදාළ සාගර කළාපයේ නාවික කටයුතු තහනම් කිරීමේ නියෝගයක්ද පනවා ඇතැයි වාර්තා වේ.
චීනය වරින්වර දකුණු සහ නැගෙනහිර චීන මුහුදේ මෙවැනි යුද අභ්යාස පැවැත්වීම කලාපයේ දේශපාලන තත්වය උණුසුම් කරන බව විදෙස් විචාරකයෝ සදහන් කරති.