හතරවන කොවිඩ් රැල්ලක මුල් කොටසට අප ලගා වෙමින් සිටින බව ශ්‍රී ලංකා වෛද්‍ය සංගමය පවසනවා.
එමෙන්ම, කොළඹ නගරය තුළ ඩෙල්ටා රෝගීන් 30% ආසන්න සංඛ්‍යාවක් සිටින බවත් ජාතික රෝහලට දිනකට රෝගීන් 200 ක් පමණ පැමිණෙන බවත් මෙහිදී සදහන් කෙරුණා.
දැනට මෙරට එන්නත්කරණය සිදු කරන ලද ජනගහණය 8%ක් පමණක් වන බැවින් ඒ මතම විශ්වාසය නොතබා සියළු දෙනා ප්‍රවේශම් සහගතව සෞඛ්‍ය උපදෙස් පිළිපැදිය යුතුව ඇති බවයි එම සංගමයේ සභාපති විශේෂඥ වෛද්‍ය පද්මා ගුණරත්න කොළඹදී ඊයේ (20) පැවති මාධ්‍ය හමුවකට එක්වෙමින් කියා සිටියේ.
මේ අතර, චීනයේ නිෂ්පාදිත සයිනොෆාම් එන්නත ලබා ගත් අයගෙන් 95% කගේ සිරුර තුළ ප්‍රතිදේහ ගොඩ නැගෙන බව මෙරට සිදුකළ පරීක්ෂණවලදී අනාවරණය වී ඇති බව හෙළිවී තිබෙනවා.
