මෝල්ඩෝවා ජනාධිපති උපදේශක මායා සන්ඩු සර්ජි ටොෆිලාට් සහ රටේ අභ්‍යන්තර කටයුතු පිළිබඳ හිටපු නියෝජ්‍ය අමාත්‍ය ජෙනඩි කොසෝවන් අතර සජීවීව විකාශය වූ රූපවාහිනි වැඩසටහනක් අතර තුර ගුටි බැට හුවමාරුවක් සිදුව තිබෙනවා.
වාචික ගැටුමකින් පසුව ඔවුන් දෙදෙනා ශාරිරිකව ද පහර දීම් සිදු කර ගනු ලැබුවේ ජර්නල් ටීවී නාලිකාවේ විකාශය වූ දේශපාලන වැඩසටහනක් අතරතුර දී ය.
ගැටුම අතරතුර යම් අවස්ථාවක දී කොසෝවන් ටොෆිලට් වෙතට පැන ප්‍රහාරයක් එල්ල කළ අතර පසුව ඔහු වතුර වීදුරුවක් ඔහු මතට විසි කරනු ලැබුවා.
හිටපු අමාත්‍යවරයාගේ පහරදීමට එරෙහිව පහරදීම ආරම්භ කළ ජනාධිපති උපදේශකවරයා හිටපු නියෝජ්‍ය ඇමතිවරයාගේ මුහුණට පහර දී බිමට පෙරළා දමනු ලබන ආකාරය ද සජීවීවම විකාශය වුණා.
ඇසින් දුටු සාක්ෂිකරුවන්ට අනුව, ගැටුම අවසානයේ කොසෝවාන්ට සිහිය නැති වී ඇති අතර ඔහු වෙනුවෙන් ගිලන් රථයක් කැඳවනු ලැබූ බවයි වාර්තා වෙන්නේ.
පසුව, ගැටුමේ පාර්ශවයන් එකඟතාවයකට පැමිණඇති අතර, අතට අත දී එකට ඡායාරූපයකට ද පෙනී සිට තිබෙනවා.
