චීන පිහිනුම් ශුරියන්ගේ ලෝක වාර්තාව
ටෝකියෝ ඔලිම්පික් උළෙලේ 4 × 200 නිදහස් ආර පිහිනුම් ඉසව්වේ රන් පදක්කම ලෝක වාර්තාවක් සමගින් ජයගැනීමට චීනය සමත් වුණා.
ඔවුන් තරගය අවසන් කළේ විනාඩි 7යි තත්ත්පර 40.33කින්.
එම ඉසව්වේ රිදී පදක්කම ඇමෙරිකාවටත් ලෝකඩ පදක්කම ඕස්ට්රේලියාවටත් හිමි වුණා.
ඔවුන් වාර්තා කල කාලයක්ද මීට පෙර පැවති ලෝක වාර්තාව අභිබවා යෑම මෙම ඉසව්වේ දක්නට ලැබුණු සුවිශේෂිම සිදුවීමයි.
චීනය යළි පදක්කම් සටහනේ පෙරමුණට
හයවන දිනය නිමා වනවිට චීනය හා ජපානය රන් පදක්කම් 15ක් බැගින් දිනා ගනිමන් පදක්කම් සටහනේ පළමු ස්ථානයේ රැඳී සිටිනවා.
චීනය රිදී පදක්කම් 7ක් සහ ලෝකඩ පදක්කම් 9ක් දිනාගත්තා.
ජපානයට රිදී පදක්කම් 4ක් සහ ලෝකඩ පදක්කම් 6ක් හිමියි.
ඇමෙරිකාව දිනා ඇති පදක්කම් ගණන 14ක්.
රුසියානු ඔලිම්පික් කමිටු කණ්ඩායම හා ඕස්ට්රේලියාව රන් පදක්කම් 8 බැගින් දිනාගෙන සිටිනවා. මහා බ්රිතාන්යය දිනාගෙන ඇති රන් පදක්කම් ගණන 5ක්.