අද (03) උදෑසන 09න් අවසන් වූ පැය විසි හතර තුළ දකුණු පළාතෙන් කොරෝනා ආසාදිතයින් සංඛ්‍යාව 609ක් වාර්තා වී තිබෙනවා.
එය මෙතෙක් එම පළාතෙන් පැය 24ක් තුළ වාර්තා වූ ඉහළම ආසාදිතයන් සංඛ්‍යාවයි.
එම ආසාදිතයන් අතරින් 572ක් ම සාමාන්‍ය ජන සමාජයෙන් වාර්තා වී ඇති බවත් අනෙක් 33 දෙනා රෝහල්වලින් වාර්තා වී ඇති බවත් දකුණු පළාත් කොරෝනා තොරතුරු මධ්‍යස්ථානයේ ප්‍රධාන සම්බන්ධීකරණ නිලධාරී චාමර මහගමගේ මහතා පවසනවා.
ආසාදිතයන් වැඩිම ප්‍රමාණයක් වාර්තා වී ඇත්තේ ගාල්ල දිස්ත්‍රික්කයෙන් වන අතර එම සංඛ්‍යාව 288කි. මාතර දිස්ත්‍රික්කයෙන් ආසාදිතයන් 168 දෙනකු වාර්තා වී ඇති අතර හම්බන්තොට දිස්ත්‍රික්කයෙන් ද ආසාදිතයන් 116ක් වාර්තා වී තිබෙනවා.
