කොරෝනා මර්දන එන්නත්වල තුන්වන එන්නත් මාත්රාවක් ලබා දීම පිළිබඳ ජනාධිපති ගෝඨාභය රාජපක්ෂ මහතාගේ අවධානයට යොමුව ඇති බව යුද හමුදාපති ජෙනරාල් ශවේන්ද්ර සිල්වා මහතා පවසනවා.
මේ සම්බන්ධයෙන් කොවිඩ් කාර්ය සාධක බලකාය රැස්වූ අවස්ථාවේදීද සාකච්ඡා කෙරුණු බවයි යුද හමුදාපතිවරයා පවසන්නේ.
අවශ්ය නම් තුන්වන මාත්රාවක් හෝ බූස්ටර් එන්නත් මාත්රාවක් ලබා දීම සඳහා අවශ්ය කටයුතු සළසන ලෙසත් ඇතැම් රටවල් දැණටමත් එය අරඹා ඇති බවත් ජනාධිපතිවරයා මෙහිදී පවසා ඇති බවද යුද හමුදාපතිවරයා සඳහන් කළා.
එමෙන්ම, එන්නතේ ප්රතිශක්තිය අඩුවීමක් සිදුවන්නේ නම්, වාර්ෂිකව කොරෝනා මර්දන එන්නත ලබා දීම සම්බන්ධයෙන්ද ඉදිරියේදී අවධානය යොමුවනු ඇති බවයි නියෝජ්ය සෞඛ්ය සේවා අධ්යකෂ ජනරාල් විශේෂඥ වෛද්ය හේමන්ත හේරත් මහතා පවසන්නේ.
මේ අතර එන්නත්කරණය ඇරඹීමට රජය ප්රමාද වූ බවට විපක්ෂය නගන චෝදනා සම්බන්ධයෙන් අදහස් දක්වමින් රාජ්ය අමාත්ය අජිත් නිවාඩ් කබ්රාල් මහතා පවසන්නේ ශ්රී ලංකාව එන්නත් නිපදවන රටක් නොවන බැවින් එන්නත් සඳහා ඇති අධික ඉල්ලුම අභියස ප්රමාදයන් සිදුවිය හැකි නමුත් මෙරට එන්නත්කරණය නිසි කලට අරඹා සාර්ථකව සිදු වෙරෙමින් ඇති බවයි.