චීනයේ නිෂ්පාදිත සයිනොෆාම් කොවිඩ් මර්දන එන්නත් මාත්‍රා මිලියනයක් අද (24) අලුයම දිවයිනට රැගෙන එනු ලැබුවා.
ශ්‍රී ලංකන් ගුවන් සේවයට අයත් විශේෂ භාණ්ඩ ප්‍රවාහන යානයකින් චීනයේ බීජිං නුවර සිට මෙම එන්නත් මාත්‍රා තොගය කටුනායක ගුවන්තොටුපොළ වෙත රැගෙනවිත් ඇති බවයි වාර්තා වන්නේ.
මෙම මස අවසන්වීමට පෙර තවත් සයිනොෆාම් එන්නත් මාත්‍රා ලක්ෂ 20ක් මෙරටට රැගෙන ඒමට නියමිත බවයි කොළඹ පිහිටි චීන තානාපති කාර්යාලය සඳහන් කරන්නේ.
අද ලැබුණු එන්නත් තොගයත් සමඟ මෙරටට ලබාගත් මුළු සයිනොෆාම් එන්නත් මාත්‍රා ගණන මිලියන 15.7 දක්වා ඉහළ ගොස් තිබෙනවා
