කාබනික පොහොර මෙට්‍රික් ටොන් 96000ක් මෙරටට ආනයනය කිරීමට රජය තීරණය කර ඇති බව ශෂීන්ද්‍ර රාජපක්ෂ මහතාට අයත් කාබනික පොහොර නිෂ්පාදන, ප්‍රවර්ධන හා සැපයුම් නියාමන රාජ්‍ය අමාත්‍යාංශ‍යේ අතිරේක ලේකම් මහේෂ් ගම්මන්පිල මහතා පවසනවා.
ඒ අනුව, නයිට්‍රිජන් 10% ක් අඩංගු කාබනික පොහොර මෙට්ට්‍රික් ටොන් 96,000ක් ආනයනයට පියවර ගෙන තිබෙනවා.
එමෙන්ම, චීනයෙන් නයිට්‍රිජන් 15% ක් සහ ඇමෝනියා අම්ලය 80% කින් සමන්විත පොහොර කුඩු මෙට්ට්‍රික් ටොන් 3000 ක් ද ආනයනය කිරීමට නියමිත අතර එම පොහොර තොගය ලබන මස 25 වැනිදායින් පසු මෙරටට ලැබීමට නියමිත වේ.
තවද, මහ කන්නයේ වී වගාව සඳහා පමණක් අදාල පොහොර නිකුත් කෙරෙන බවත් අන්තර්ජාතික ප්‍රමිතියෙන් යුත් කාබනික පොහොර ආනයනයට, ආනයනකරුවන් දැනුවත් කිරීමේ ක්‍රියාපටිපාටිය මේ වනවිට ප්‍රකාශයට පත් කර ඇති බවත් ඒ මහතා වැඩිදුරටත් පවසනවා.
