තලේබාන් සංවිධානයේ ජ්යෙෂ්ඨ නායකයන් පිරිසක් කාබුල් නගරයේ දී ඇෆ්ගනිස්තානයේ සිටින චීන තානාපතිවරයා හමුවී තිබේ.
විදෙස් මාධ්ය වාර්තා කළේ තලේබාන් සංවිධානයේ නියෝජ්ය දේශපාලන නායකයකු වන අබ්දුල් සලාම් හනෆි ඇතුළු පිරිසක් චීන තානාපති වැන්ග් යූව කාබුල්හි දී හමුවූ බවයි.
මෙම හමුව සිදුවුයේ චීනය තලේබාන් පාලනයක් යටතේවුවද ඇෆ්ගනිස්තානයට ආධාර සැපයීමට සූදානම් බවට ප්රකාශ කිරීමෙන් පසුවයි.
සාකච්ඡාවලදී ඇෆ්ගනිස්තානයේ කාබුල් අගනුවර පිහිටි චීන තානාපති කාර්යාලයේ ආරක්ෂාව, ඇෆ්ගනිස්තානයේ වත්මන් තත්වය සහ චීනය විසින් මානුෂීය ආධාර ලබාදීම යන කරුණු පිළිබදව සාකච්ඡා කර ඇති බව මාධ්ය වාර්තා කර තිබේ.
තලේබාන් සංවිධානය කාබුල් ඇතුළු ඇෆ්ගනිස්තානයේ බහුතර ප්රදේශවල බලය තහවුරු කර ගැනීමත් සමග රටවල් රැසක් සිය තානාපති කාර්යාල වසා දමා කාර්ය මණ්ඩල ඉවත් කරගත්තද චීනය එහි සිය තානාපති කාර්යාලයේ කටයුතු අඛණ්ඩව ක්රියාත්මක කරයි.