ඉදිරියේදී මෙරට රුපියල ශක්තිමත්වනු ඇති බවට තමන් විශ්වාස කරන බව මුදල් හා ප්රාග්ධන වෙළෙඳපොළ රාජ්ය අමාත්ය අජිත් නිවාඩ් කබ්රාල් මහතා පවසනවා.
ඔහු සදහන් කරන්නේ ජාත්යන්තර මූල්ය අරමුදලෙන් මෙරටට ලැබීමට නියමිත අමෙරිකානු ඩොලර් මිලියන 800ක මුදල සහ චීන සංවර්ධන බැංකුවෙන් මෙරටට ලැබීමට නියමිත අමෙරිකානු ඩොලර් මිලියන 350 ක ණය මුදල හරහා මෙරට ආර්ථිකයේ ද්රවශීලතාව වැඩි දියුණු කෙරෙන බවයි.
ඒ හරහා මෙරට අමෙරිකානු ඩොලර් සංචිත ශක්තිමත් වන බැවින් අමෙරිකානු ඩොලරයට සාපේක්ෂව රුපියලේ අගය ශක්තිමත් වනු ඇති බවට තමන් විශ්වාස කරන බව මුදල් රාජ්ය අමාත්යවරයා සදහන් කරනවා.
ඒ අනුව ආනයන සහ අපනයනකරුවන්ට සිය විදේශ වෙළෙඳ කටයුතු බාධාවකින් තොරව සිදු කරගෙන යා හැකි බවයි ඔහු පෙන්වා දෙන්නේ.