කාබුල් අගනුවර ෂරියා නීතිය පනවා ඇති බවත් එහි කටයුතු සිදුවන්නේ ඊට අනුකූලව බවටත් කාබුල් නගරයේ නගරාධිපතිධුරයට පත් කර ඇති හම්දුල්ලා නොමානි පවසයි.
තලේබාන් සංවිධානයේ නාගරික කොමිසමේ ප්‍රධානියාද වන හමිදුල්ලා නොමානි කාබුල් නගරාධිපතිධුරයට පත්කිරීමට තලේබාන්වරුන් පසුගිය සදුදා කටයුතු කළහ.
ඇෆ්ගනිස්තානයේ ෆජ්වොක් පුවත් සේවයට අදහස් දක්වමින් ඔහු පවසා ඇත්තේ නගරයේ ඉස්ලාමීය ෂරියා නීතිය ක්‍රියාත්මක බවයි.
වෙළෛදසැල් ආදියෙන් කප්පම් ලබා ගන්නා අයට එරෙහිව පවා ෂරියා නීතිය දැඩි ලෙස ක්‍රියාත්මක කරන බව ඔහු සදහන් කර ඇත.
මේ අතර ආරක්ෂාව සහ අයිතිවාසිකම් පිළිබද අන්තර්ජාතික සංසදය සදහන් කර ඇත්තේ කාබුල්හි ෂරියා නීතිය ක්‍රියාත්මකවීමත් සමග කාන්තා සහ ළමා අයිතිවාසිකම් සීමාකිරීම සහ කඩකිරීම දැඩි ලෙස ඉහළ ගොස් ඇති බවයි.
හසාරා වාර්ගිකයන් ඝාතනය කිරීමේ සිදුවීම් පවා වාර්තා වී ඇතැයි ද එම සංවිධානය සදහන් කර තිබේ.
